code

صفحة 1 من 2 12 الأخيرةالأخيرة
النتائج 1 إلى 20 من 30

الموضوع: زوجي اخذ ولدي مني وش اسوي

  1. #1
    عضو جديد
    تاريخ التسجيل
    04-01-2013
    الدولة
    المملكه العربيه السعوديه
    المشاركات
    18

    افتراضي زوجي اخذ ولدي مني وش اسوي

    السلام عليكم ورحمة الله وبركاته
    انا جديده هنا وابيكم تساعدوني ابي حل لمشكلتي والله اني ابكي وحالتي النفسيه صعبه واني تعبت تعبت تعبت انا متزوجه رجال من قبيله ثانيه وصار لي معاه 4 سنوات وكان طاير فيني ويحبني بداية زواجنا
    الى ان حملت كان رافض الحمل وكان مايبيه وبدت المشاكل بيينا وكنت انام ببيت اهلي كثير بسبب التعب
    والوحام والمشاكل وبعد ماولدت وقعدت عند اهلي فترة النفاس كان مبسوط اني ولدت وينتظر متى ارجع له
    بعد الاربعين وكان يكشخ فيني عند اهله وجماعته وناسه لكن مع الوقت رجعت المشاكل بينا بسبب غيرته ويدقق بكل شي صار وتحملت وسكت وهو كان مطلق من قبل وعنده ولد وجاب لي ولده عندي صح اني عارضت بالبدايه لكن بعدين تحملت ووافقت وصار يهاوشني باي شي ويتهمني بكل شي يصير لولده او يضيع لولده شي
    *كان يتهمني بكل شي اني انا اللي ضيعته وانا اللي سويته وانا وانا وانا تعبت تعبت وتحملت عشان ولدي لكن
    خلاص انا ماعاد تحملت ورحت لبيت اهلي ورفض يخليني اخذ ملابسي معي واخذ ولدي مني ونزلني بيت اهلي وقعدت عندهم يوم ورجع اتصل فيني وقالي ابيك ترجعين اليوم ورفضت وعصب علي وقال لي انتي اصلا ناويه الطلاق وناويه وسكر الخط بوجهي وبعدها قفل جوالاته ولاعاد رد علي
    وانا ماقدرت اتحمل ولدي بعيد عني ولا ادري عنه حاولت اتصل عليه حاولت ولا رد علي حاولت اجيه للبيت لكن كان مغير مفاتيح البيت ولا يرد علي انا مابي شي ابي ولدي بس والله تعبت حتى اهلي مو راضين يساعدوني
    وابوي اتصل عليه كم مره ولا رد ويوم ارسله رساله اني ابي ورقة طلاقها
    رد عليه وقال انا ما ابيها اصلا بس ابيها تنازل عن الحظانه واطلقها
    وانا ماعندي اخوان ولا احد يقدر يساعدني وابوي طيب مره مابي ادخله مشاكل حاول معي بس بعد مايبي مشاكل
    انا تعبت والله تعبت ابي ولدي ماني قادره اتحمل كل هذا
    والله تعبت بس ابي اشوفه اللحين لي عنه شهرين ماشفته
    انا ابي ولدي وابي زوجي ابي ارجع لبيتي عشان ولدي بس ابي اربيه لكن ما قدرت زوجي مو راضي
    يرد علي او يجيب لي ولدي والله العظيم اني تعبانه ماعاد احس للحياه طعم بدون ولدي
    وانا كنت متعلقه بزوجي شوي هو مو مقصر معاي بس المشاكل الاخيره بيننا وانشغاله واخر حركه سوها كانت
    قويه حتى على ابوي واهلي ماتحملوها ولاتوقعوها منه مابي اذكرها بس متاكده لو يجي يتسامح من ابوي بيسامحه ابوي يحبه والله تعبت ابي ولدي قولوا لي وش اسوي تعبت

    تكفون ادعولي ان الله يفرج همي ويرد لي ولدي والله العظيم تعبت

  2. #2
    عضو جديد
    تاريخ التسجيل
    04-01-2013
    الدولة
    المملكه العربيه السعوديه
    المشاركات
    18

    افتراضي رد: زوجي اخذ ولدي مني وش اسوي

    أنا حاليا معلقه لا مطلقه ولا متزوجه ولا حتى يصرف علي ولا يعطيني النفقه
    لي تقريبا شهرين على هالحال وربي تعبت حتى استحي اخذ من ابوي ريال واحد
    مع انه مو مقصر معي
    والله تعبت ادعولي ان ولدي يرجع لي ويفرج همي

  3. #3
    مستشار شرعي وقانوني
    تاريخ التسجيل
    21-11-2010
    المشاركات
    7,597

    افتراضي رد: زوجي اخذ ولدي مني وش اسوي

    وعليكم السلام ورحمة الله وبركاته
    = من خلال ما طرحتيه في موضوعك اختنا الكريمة يتبين ان مشكلتك عدم تقبلك ابنه من الزوجه الثانية ثم كبرت المشكلة ومع تذمرك وعدم تحملك تقولين ( خلاص انا ماعاد تحملت ورحت لبيت اهلي ورفض يخليني اخذ ملابسي معي واخذ ولدي مني ونزلني بيت اهلي وقعدت عندهم يوم ورجع اتصل فيني وقالي ابيك ترجعين اليوم ورفضت وعصب علي ). والآن تقولين ابي زوجي وأبي ولدي . اللي نقول الله يعينك والسؤال الذي يطرح نفسه ولدك والولد من الزوجه الثانية هل هم عند ام الزوج ام عنده في بيته وكيف يرعاهم وهو موظف ؟
    = بالنسبة لحضانة الابن لا تحتاجين لقيام والدك معك الموضوع باختصار تقدمي للمحكمة بطلب حضانة ابنك والمعاشرة بالمعروف وأول طلب حضور من المحكمة سوف تحددين توجهك وتفكيرك فإن كان راغب فيك طلب الصلح وإن كان غير راغب فابقي على طلب الحضانة وسوف يحكم لك بحضانته مالم تتزوجي ..
    كان الله في عونك
    لا إله إلا أنت سبحانك إني كنت من الظالمين

  4. #4
    عضو جديد
    تاريخ التسجيل
    04-01-2013
    الدولة
    المملكه العربيه السعوديه
    المشاركات
    18

    افتراضي رد: زوجي اخذ ولدي مني وش اسوي

    أشكرك ع الرد اخوي لكن انا من قبل مايجيني ولده وانا مشاكل معاه اولها كان بسبب الحمل لانه ماكان يبيه
    بعدين مشاكل وغيره وبعدها مع ولده انا رضيت فيه رضيت بولده وعاملته مثل اخوي وقريب مني
    لكن مع المشاكل انا صارت علاقتي فيه سطحيه شوي وانا يوم رحت لاهلي كنت ابي ارتاح بس ماكنت ابي
    ناويه الطلاق لكن تعقدت المساله بيننا واخذ ولدي مني ومو راضي حتى انه يطمني عليه او اسمع صوته وانا اللحين
    لي شهرين ماني عارفه شي عن ولدي
    وولدي واخوه عايشين معاه بالبيت مو عند اهله لا مخليهم عنده ومع شغاله
    وهذا اللي مخوفني خايفه عليه مره هو يداوم وولده يدرس مايبقى الا ولدي مع الشغاله وانا خايفه عليه
    مدري وش اسوي والله تعبت قبل كنت اتصل ع الشعاله واتطمن عليه لكن اللحين غير رقم الشعاله وحرمني حتى
    من اني اتطمن عليه مدري وش اسوي تعبت نفسيتي
    ادعوا لي ان ربي يفرج همي ويرد لي ولدي

  5. #5
    عضو جديد
    تاريخ التسجيل
    04-01-2013
    الدولة
    المملكه العربيه السعوديه
    المشاركات
    18

    افتراضي رد: زوجي اخذ ولدي مني وش اسوي

    على فكره انا يوم تزوجته ماكنت ادري ان عنده عيال كنت اعرف انه مطلق بس
    ولا احد من اهلي كان يدري حتى يوم سالنا عنه ماحد قال لنا ولا اهله ولاهو قال لنا

  6. #6
    عضو مميز
    تاريخ التسجيل
    04-08-2012
    المشاركات
    1,635

    افتراضي رد: زوجي اخذ ولدي مني وش اسوي

    حضانة الولد من حقك حتى يبلغ سن التخيير ...ثم يخير.


    وكما قال الشيخ الجليل ابومحمد2 ( مالم تتزوجي ) لان زواجك يسقط حقك في الحضانه

  7. #7
    عضو جديد
    تاريخ التسجيل
    04-01-2013
    الدولة
    المملكه العربيه السعوديه
    المشاركات
    18

    افتراضي رد: زوجي اخذ ولدي مني وش اسوي

    لكن مو راضي يطلقني لين اتنازل عن الحضانه كيف اطالب بالولد وهو ماطلقني ولاحتى ينفق علي

  8. #8
    عضو مميز
    تاريخ التسجيل
    04-08-2012
    المشاركات
    1,635

    افتراضي رد: زوجي اخذ ولدي مني وش اسوي

    ارفعي شكوى بطلب الحضانه


    وشكوى بطلب الخلع

  9. #9
    عضو جديد
    تاريخ التسجيل
    04-01-2013
    الدولة
    المملكه العربيه السعوديه
    المشاركات
    18

    افتراضي رد: زوجي اخذ ولدي مني وش اسوي

    انا تعبت تعبت ماني قادره ارفع شكوى عليه ولاني قادره اخذ ولدي بحظني
    ماحد راضي يساعدني اني اروح و اشتكي
    احس اني خسرت كل شي ولدي وبيتي حتى النفقه مافكر ينفق علي وعارف
    اني احتاج لاشياء ضروريه مثل كل بنت واستحي اني اطلبها من ابوي
    وربي تعبت ولاني عارفه وش اسوي ولا لاقيه احد يساعدني
    وربي صرت ادعي كل ليله ان كان الموت راحة لي ان الله يعجل لي فيه
    ادعي كذا وانا عمري 25 صغيره المفروض بهذا العمر اني استمتع بحياتي
    لكن راح مني كل شي وخسرت كل شي انا مابي شي كثر ما ابي اشوف ولدي
    حسبي الله ونعم الوكيل

  10. #10
    عضو مميز
    تاريخ التسجيل
    08-08-2012
    المشاركات
    131

    افتراضي رد: زوجي اخذ ولدي مني وش اسوي

    أختي الكريمه
    السلام عليكم ورحمة الله
    بإمكانك الاستعانه ببعض المصلحين سواء كانوا من أهلك أو غيرهم وذلك في إيجاد حلول لحالتك وإن تعذر عليهم ذلك فليس أمامك ألا ما تفضل به الأخوه الكرام وأنصحك بتوكيل أحد قرابتك ليتولى ذلك لعل أن يكون في رفع الدعوى سبيل للاصلاح ، ،
    كان لك في عونكم
    مكتب محامون بلا حدود مستشارون قانونيون
    البريد الالكتروني : latif1399@gmail.com

    قال تعالى ( ياأيها الذين آمنوا كونوا قوامين بالقسط شهداء لله )

  11. #11
    عضو مميز
    تاريخ التسجيل
    08-08-2012
    المشاركات
    131

    افتراضي رد: زوجي اخذ ولدي مني وش اسوي

    علما أن لك الحق في إقامة دعوى والمطالبة بما يلي:
    أولاً : المعاشرة بالمعروف
    ثانياً: النفقة عليك إذا كان له مسوغ شرعي.
    ثالثا : حضانة الولد
    مكتب محامون بلا حدود مستشارون قانونيون
    البريد الالكتروني : latif1399@gmail.com

    قال تعالى ( ياأيها الذين آمنوا كونوا قوامين بالقسط شهداء لله )

  12. #12
    عضو جديد
    تاريخ التسجيل
    10-06-2011
    المشاركات
    26

    افتراضي رد: زوجي اخذ ولدي مني وش اسوي

    اختي الحق كله مغك

    روحي المحكمه وتوكلي على الله

    واذا كان الطلاق خير لك يتم واذا كان شر لك ربي يصرفه عنك

    انتي جالسه تتعذبين طيب لي متى

    لو براسه شي عليك كان طاح من زمان

    واحس زوجك مو اخلاق لو اخلاقه عالية كان عاملك بالمعروف

    روحي المحكمه وتوكلي على الله لا تخلينه يمسكك من الايد الي تعورك

    هو يبيك يرجعك اما سكوته كذا مافيه خير لك ابد

    روحي المحكمه واطلبي الحضانه ولا تتاخرين لان المده طويله ليما يعطونك موعد يمكن بعد اربع شهور او خمسه لان وحده توها رايحه وعطوها موعد بعد خمس شهور ..وبهذي الخمس شهور ماتدرين ايش يصير ..لازم تروحين احين تقدمين ولا زوجك رجع القي القضية ..ولا مارجع تكون قضيتك قربتك ,,خمس شهور تخليكي تموتين موت بطيئ لا تتاخرين يمكن يعطونك موعد اقرب من كذا في خلال شهر ان شاءالله
    توكلي على الله ..ربي ييسرلك امرك ويفرج همك يارب

  13. #13
    عضو جديد
    تاريخ التسجيل
    04-01-2013
    الدولة
    المملكه العربيه السعوديه
    المشاركات
    18

    افتراضي رد: زوجي اخذ ولدي مني وش اسوي

    السلام عليكم ورحمة الله وبركاته
    اشكر كل من رد علي ونصحني لكم كل التقدير والاحترام على مشورتكم

    انا الآن حصلت على الطلاق والحمد الله ممكن هالشي هذا يكون خيره لي
    وعسى ان تكرهوا شيئا وهو خيرا لكم
    لكن انا حصلت عليه من شهر تقريبا مقابل التنازل عن ولدي مع الأسف
    وهذا شي مره يحرق قلبي ولا يحق لي حتى اني اشوفه
    تنازلت عن ولدي عشان أبوي ماكنت أبي أسبب لأبوي متاعب ومشاكل
    يكفي اللي جاه
    ضحيت بولدي عشان ابوي ومستعده أضحي باي شي عشانه


    والحمد الله على كل حال يمكن هالشي كان خيره لي باني قربت من ربي اكثر
    وكملت دراستي الجامعيه وعايشه ببيت أهلي معززه مكرمه ولله الحمد صرت اهتم بنفسي اكثر صح اني احن لولدي
    وأشتاق له لكن مافي يدي شي غير الدعاء له انا صابره بإذن لله وبصبر وان شاء الله ماراح يخيب الله
    رجائي وصبري وتعبي بإذن الله
    والله يعوضني خير يارب
    لكن الشي الوحيد اللي انا خايفه منه انه يكبر بكرا ولايعرفني او ينكرني
    حسبي الله ونعم الوكيل باللي أخذ ولدي من حظني وحرمني منه
    حسبي الله ونعم الوكيل بكل من يفرق ام عن ولدها

    الله يعوضني خير يارب
    ادعوا لي

  14. #14
    عضو مميز
    تاريخ التسجيل
    04-08-2012
    المشاركات
    1,635

    افتراضي رد: زوجي اخذ ولدي مني وش اسوي

    ومن قال لكي انك لاتقدرين ان تشاهدين ابنك ؟؟؟


    من حقك ان يزورك ابنك ويبات هندك يوم او يومين....اخبري طليقك بذلك واذا قال لا....ارفعي دعوى بطلب حق الزياره والمبيت


    عندك اسبوعيا....ورفع الدعوى سهل جدا....يوم واحد في المحكمه وترفع الدعوى وابلغيهم بعنوانه وهم من يسلمونه الطلب.


    انصحك بعدم السكوت نهائيا...ابنك بحاجه لك

    وتنازلك لايعتد به بسبب انكي وقعتي مكرهه في سبيل طلاقك وخوفا على صحة والدك ...والاصل انكي لستي


    راضيه وهذا ابنك وانتي من اشفق الناس عليه...هذا الكلام هو حجتك عند القاضي.
    التعديل الأخير تم بواسطة راعي طلايب ; 04-04-2013 الساعة 09:34 AM

  15. #15
    عضو جديد
    تاريخ التسجيل
    04-01-2013
    الدولة
    المملكه العربيه السعوديه
    المشاركات
    18

    افتراضي رد: زوجي اخذ ولدي مني وش اسوي

    ما اقدر ارجع اوقف أبوي بالمحاكم مره ثانيه
    وأبوي متفهم ومتعلم ومثقف صح بس ممكن شايف لي شي
    ثاني انا ما اشوفه
    ما اقدر ارجع افتح الموضوع مره ثانيه قدام أبوي وهو يحسبني انا مبسوطه
    ومو مقصر علي بشي أبدا خاصه وان مريض هالوقت وعنده موعد عمليه قريب
    انا أبي ولدي ونفسي ومنى عيني اشوفه راح أكمل اكثر من ٦شهور ماشفته لكن بعد
    ابوي يسوى عندي الدنيا ومافيها ما اقدر ارجع اوقفه بالمحاكم خاصه انه تعب تعب على ماحصل على طلاقي

    أشكرك من كل قلبي على كلامك
    لكن وربي انا ما اقدر اطالب باي شي
    لو ع الأقل اللحين

  16. #16
    عضو جديد
    تاريخ التسجيل
    04-01-2013
    الدولة
    المملكه العربيه السعوديه
    المشاركات
    18

    افتراضي رد: زوجي اخذ ولدي مني وش اسوي

    انا ابي ما اسكت وأبي اطالب بابني لكن مابي ادخل ابوي بمشاكلي اكثر من كذا لانه تعب كثير معي
    ولاعندي احد اخواني واحد ظابط وبدوره برا المملكة والثاني يدرس بأمريكا والباقين صغار
    عشان كذا انا ساكته وصابره لين يفرجها ربي علي

    ادعولي

  17. #17
    عضو مميز
    تاريخ التسجيل
    08-08-2012
    المشاركات
    131

    افتراضي رد: زوجي اخذ ولدي مني وش اسوي

    أختي الكريمة
    الحضانة حق للمحضون وليس للحاضن وهو أمر ( أي الحضانة ) متجدد يتغير بأختلاف الحال، كما أنه لا يحق له منعة من زيارتك ، كان الله في عونكم
    مكتب محامون بلا حدود مستشارون قانونيون
    البريد الالكتروني : latif1399@gmail.com

    قال تعالى ( ياأيها الذين آمنوا كونوا قوامين بالقسط شهداء لله )

  18. #18
    عضو جديد
    تاريخ التسجيل
    04-01-2013
    الدولة
    المملكه العربيه السعوديه
    المشاركات
    18

    افتراضي رد: زوجي اخذ ولدي مني وش اسوي

    ??? ??? ?????? ????? ??????
    ??? ??? ??? ???? ??? ?? ??? ??? ? ??????
    ???? ????? ???????? ?? ????

    ???? ???? ???? ???? ?? ?? ????
    ??? ??? ? ????? ??? ????? ???? ?? ??? ???? ?? ??????
    ??? ??? ???? ???? ???? ???? ??? ????? ????? ??? ?????

  19. #19
    عضو جديد
    تاريخ التسجيل
    04-01-2013
    الدولة
    المملكه العربيه السعوديه
    المشاركات
    18

    افتراضي رد: زوجي اخذ ولدي مني وش اسوي

    طيب انا تنازلت مقابل الطلاق
    ما ادري يعتبر هذا التنازل او لا


    غير كذا ابي اسأل اذا مرت فتره على طلاقي اقدر ارجع أطالب بالحظانه

  20. #20
    عضو جديد
    تاريخ التسجيل
    04-01-2013
    الدولة
    المملكه العربيه السعوديه
    المشاركات
    18

    افتراضي رد: زوجي اخذ ولدي مني وش اسوي

    يقدر يرجع لي ولدي مره ثانيه

    انا ماودي ابوي يدري لانه يحسبني مبسوطه مابي أضيق صدره
    وانا ما اقدر اروح للمحكمه لحالي
    يعني ابي انتظر احد من اخواني يرجع
    والله يعين

    ادعوا لي

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على الموضوعات
  • لا تستطيع إرفاق ملفات
  • لا تستطيع تعديل مشاركاتك
  •  
Keep Track of Visitors
Stats Counter

IP