code

النتائج 1 إلى 3 من 3

الموضوع: كتبت شيك ولا استطيع سداده

  1. #1
    عضو جديد
    تاريخ التسجيل
    15-07-2016
    المشاركات
    7

    افتراضي كتبت شيك ولا استطيع سداده

    السلام عليكم
    عندي مشكلة والله يسعدكم علموني وش اسوي

    انا لقيت في موقع حراج شخص يبيع تذاكر طيران مخفضة
    جربته وشريت منه, وبعدها فكرت استفيد قلت اسوي اعلان للناس اللي تبي تذاكر واصير وسيط بينهم وبين هذا الشخص بعد ماازيد على مبلغ التذاكر شي بسيط. واشتغلت معه فتره الين يوم 25 رمضان جاني واحد طلب تذاكر وطلع مبلغها تقريبا 10 الاف انا زدت عليه 2000 وسوى لي الرجال التذاكر والحجز وسلمته للي طلبه مني وسلمني الفلوس وانا طبعا سلمت للي عملها مبلغه اللي طلبه اللي هو 10 الاف.
    طبعا هذا طمع وقام الغى الحجز واسترد المبلغ..

    اتصل علي الزبون وقال لي حجزي ملغي ومسترد
    قلت له مو مشكله اجيك اقابلك ونتفاهم.
    رحت له لقيت فعلا الحجز ملغي والرجال اللي سوا الحجز والغاه مايرد عالاتصالات.
    صاحب الحجز اتصل عالشرطه وجت الدوريه وشرحنا لهم الوضع قالوا لازم تتوجهون للقسم.
    راح اتصل على اخوانه وجمعهم علي
    وجوني للمكان اللي تقابلنا فيه وقفلوا على سيارتي وقالوا محنا فاكينك الا لما ترجع المبلغ وانا قلت لهم لو اني ناوي اجحدكم او اسرقكم ماكان جيت اصلا وانا ماعندي هالمبلغ لازم تعطوني وقت.
    جاني اخوه قال لي انسى مافيه روحه من هنا الا وتدفع المبلغ كامل. وقال لي ان معه سكين في جيبه
    جلسوا يتشاورون قالوا بناخذ السيارة تعال اكتب لنا هنا انك بعت لنا السيارة وانك اخذت فلوسك. قلت لهم السيارة تأجير منتهي بالتمليك مقدر ابيعها.
    وكان في السيارة دفتر شيكات قال راعي الحجز اذا يبينا نفكه يكتب لنا شيك بخمسين الف واذا ماسدد بكره بنسحب الشيك
    قالوا لي اكتب. انا كنت خايف من الموقف وكنت ارتجف وكتبت بداية الشيك وما قدرت اكمل وقلت لهم مقدر اكتب. جا واحد من اخوانه كتب الشيك كامل وحط المبلغ نفس قيمة التذاكر 12 الف. وزعل عليه صاحب الحجز وقال ماابي 12 ابي خمسين
    وفتح صفحة ثالثه وجاء واحد ثاني كتب الشيك كامل ووقعته وقالوا لك يوم واحد تسدد المبلغ.
    رحت البيت من القهر وحاولت ادبر 4 الاف وحولتها له وقلت له هذا اللي قدرت عليه. راح للشرطه ودقوا علي وما رديت
    بعدها اتصل علي اخوه وقال ترا كلنا بنشهد انك قلت له الخمسين لك. قلت له اشهدوا والله بيني وبينيكم
    بعدها بيوم اتصل علي اخوه الصغير اللي يشتغل في لدوريات قال لي عطني عنوان بيتك بجيك الحين انا مستلم . ويهددني بمكانه انه في الدوريات وان اخوه الثاني في الجزائية. وانهم بيورطوني.
    بعدها كل شوي يتصل علي واحد منهم ويعطيني عرض. واحد قال بعطيك 8 تسددها لاخوي ويوم 25 شوال رجعها لي 16. والثاني يقول بقسطها عليك وياخذ فايدة دبلين ومارديت عليهم.

    اخر شي كلمني الاخ صاحب الحجز وقال بعطيك مهلة الين يوم 25 شوال وبعدها بقدم الشيك.
    انا اذا وصلت للشيخ اقدر اقول له حلفني انا واياهم جميع انهم مااخذوا مني الشيك بالقوة وبالاكراه واذا حلفوا الله يعييني عليه.

    بالله انصحوني

  2. #2
    عضو مميز
    تاريخ التسجيل
    11-10-2013
    المشاركات
    1,115

    افتراضي رد: كتبت شيك ولا استطيع سداده

    الشيك اداه وفاء وانت ملتزم بسداد
    كان لديك خيارات عديده في وقتها
    اولا ان توقع توقيع مختلف تماما عن توقيعك في البنك
    وبذلك لايقبل الشيك

    ثانيا بعد ان اعطيتهم الشيك تذهب لمركز الشرطة وتبلغهم بالواقعه وانك وقعت الشيك بالاكراه
    وكذلك تذكر التهديد بضرب والسكين وسيستدعون ويسلمونك الشيك واذا لهم شي المحكمة موجوده

    الحل الاخير حاول تدبر ماتبقى لهم وهي 6000 وقابله في مكتب وبوجود شهود وطلب منه تسليمك الشيك مقابل ماتبقى له
    وسلمه الفلوس ويسلمك الشيك
    قانوني
    واتس اب/ 0554666675

  3. #3
    عضو مميز
    تاريخ التسجيل
    30-12-2012
    المشاركات
    549

    افتراضي رد: كتبت شيك ولا استطيع سداده

    عليكم السلام ورحمة الله وبركاته وبعد , هل اللي سوى الحجز والغاه رجع لك المبلغ والا المبلع عنده . وفقك الله ,

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على الموضوعات
  • لا تستطيع إرفاق ملفات
  • لا تستطيع تعديل مشاركاتك
  •  
Keep Track of Visitors
Stats Counter

IP