code

النتائج 1 إلى 3 من 3

الموضوع: اخوي متهم بضرب فتاة لا يعرفها

  1. #1
    عضو جديد
    تاريخ التسجيل
    11-07-2018
    المشاركات
    2

    110314 Imgcache اخوي متهم بضرب فتاة لا يعرفها

    السلام عليكم ورحمة الله

    ارجو توجيهي في قضية اخوي

    الحصل

    ان اخوي يمشي في حدود 12 اخر اليل هو و خويه

    في مكان معروف في الرياض شارع معروف المهم

    هو وخويه شافو هوشه ضنو إنهاء هوشة بنات وكان في تجمع قبلهم في المكان في بنت كانت تسب وتهاوش الناس وهذا اخوي كان قريب منها ودفته بيدها و بدوره هو دفها بيده حذف عليها ماء صحه كانت معه طاحت البنات على الارض و الموجدين فزعو للبنت وظربو اخوي. فرقو الناس بينهم وفيه ناس قالو له رح انت مالك دخل لا تطيح براسك
    قام خويه وعطاه مفتاح السياره قاله رح يوم تحرك وصلو الدوريات وخذو اخوي و معه بنتين خوات منهم الي دفت اخوي وراحو للمستشفى اخوي و البنات كلهم اخذو تقرير طبي مدة التعافي 5 أيام او اقل هذا الي حصل مع اخوي

    اتصل علي اخوي وقالي انه في القسم وعلمني الساعه 3 الفجر ورحت القسم لقيت ابو البنات
    سالت انا وش مسوي اخوي قالو انه قام وضرب البنت وشالها ورمها في الارض وتوطها برجوله
    ومعه اربع أشخاص. انا خفت وطلبت ابوهم يتنازل وقال لي اذا طلبتني بقول انه كان بيخطفهم تركته اعرف اخوي ما يسويها سالت اخوي قالي الموضوع الي قلته لكم فوق في ها الوقت حضر خوي اخوي الي كان معه وتهمه ابو البنات انه واحد من الاربعه وخذوه برا القسم للبنات في السياره عشان يتعرفون عليه و قالو لا هذا ماهو معه ولا سجلوه في محضر وإلا شي قلت خلهم يشفون اخوي يمكن ماهو هو بعد و رفضو

    الصباح حولو اخوي النيابه العامه رحت قبله و معي خوي اخوي وشفت المحقق وقلت له ابي هذا خويه كان معه ابيه شاهد وكلام خويه لي متطابق مع اخوي و طلبت تسجيل الكاميرات

    قال المحقق طيب وسجل ارقام جولاتنا في ورقه عاديه وطلعنا رحت القسم العصر قالو النيابه عطو توقيف خمس ايام اليوم الثاني راح خويه للقسم و اخذ ورقه عشان سيارته كان عليها اخوي وحجزوها

    وعطوه ورقه للنيابه وراح وتصادف مع ابو البنات عند المحقق وعرف انه شاهد قال شكله كان معهم

    وقال هو ان بناتك شافوني وقالو لا قال كنا في ليل يمكن ما شفوك زين هذا صار قدام المحقق
    المهم حتى سيارته ما طلعها.


    ملاحضه/ حنى فهمنا انه في احد قبل اخوي ضرب البنات وصار التجمع الي شافوه هم وجو

    الان اخوي موقف من صباح الاحد متى يطلع وهل يمدد له المحقق زياده الان اخوي دف البنت بسبب انها هي دفته بس هذا الي صار بينهم ولا فيه ضرب ولا حتى كلام الان عندي سؤال ليه اخوي الي موقف والبنت هي المخطيه اقصد هي الي دفته اول و تسببت عليه الناس ضربوه لانه دفها
    و متى المحقق يطلب
    التسجيل هل يحق لي اروح اجيب التسجيل انا من المحلات صارت المشكله قدامها واخوي على تحسب عليه انه دف البنت وهو رجال


    ملاحضه عدد البنات 2. وكلهم معاهم تقارير خمس ايام و اقل مثل اخوي

    اسف على طول الكلام وجزاكم الله كل خير

  2. #2
    عضو جديد
    تاريخ التسجيل
    23-02-2014
    المشاركات
    37

    افتراضي رد: اخوي متهم بضرب فتاة لا يعرفها

    وعليكم السلام
    بالنسبة لأخوك الدوريات اللي قبضو عليه في موقع الحادثة
    وش حررو محضر الضبط ، وهل الدوريات استدعوا احد من الحضور في موقع الحادثة للشهادة على الاعتداء على البنات
    أو يمكن الدوريات شافوا اخوك اعتدى على البنات
    عموما
    ١ - لازم تشوف محضر الضبط وش مكتوب فيه لانه من حقك
    واعرف ان القضية سوف تسير على محضر الضبط الاول
    المعد من رحال الضبط
    ٢- اذا فيه شهود من احد في موقع الحادثة من الجمهور
    أو من رجال الضبط ( الدوريات ) ثبتت التهمه على اخوك
    ٣- يستطيع اخوك يخرج بكفالة حضورية حتى تتم المحاكمة عند القاضي بإدانته أو براءته
    ابو وائل
    اختصاصي في
    قضايا جنائية - قضايا احوال شخصية
    ملم بالقرارات الشرعية الصادرة من المحكمة العليا

  3. #3
    عضو جديد
    تاريخ التسجيل
    11-07-2018
    المشاركات
    2

    افتراضي رد: اخوي متهم بضرب فتاة لا يعرفها

    جزاك الله خير اخير ابو وائل على الرد

    الدوريات ما عندهم شهود. وحضور. بعد المشكله. فقط كتبو أقوال. البنات و أقوال. اخوي

    و التقرير الطبيه. مع العلم اخوي معه شاهد الي هو خويه وطالب في تسجيل التصوير. من النيابه
    وهو واثق في كلامه. و صدقت اخوي خرج في كفااله بعهد اربع ايام

    الان وش تنصحوني فيه وهل يضر اخوي انه دفع البنت بيده. الان هي دفعته اول

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على الموضوعات
  • لا تستطيع إرفاق ملفات
  • لا تستطيع تعديل مشاركاتك
  •  
Keep Track of Visitors
Stats Counter

IP